Contra o cura de Fruíme


Neste libro, Fernández Salgado fai unha dobre edición, paleográfica e anotada, das cincuenta décimas escritas cara a 1770 contra o máis importante escritor, con Sarmiento, do noso século XVIII, Diego Zernadas de Castro, o primeiro cura de Fruíme. Carta satírica extensa, habitual no xogo satírico entre ilustrados do 18, que se conserva nos fondos da Fundación Penzol. Décimas anónimas, pero Fernández Salgado anota a posibilidade de que o autor fose Bernardo Rivera y Collazo, ao que Zernadas satiriza aludindo á súa coxeira. As décimas atacan a teima pedichona de Zernadas para o culto da Virxe das Dores de Fruíme. Zernadas e Rivera foran amigos e ambos os dous puxeron cadanseu poema laudatorio en La barca más prodigiosa de Rioboo e Seixas.

Libro erudito, moi informado, con rigor filolóxico, feito por un doutor en Filoloxía Galega e profesor da Universidade de Vigo, que xa era ben coñecido polos seus estudos e edicións de Marcial Valladares, que amplía o coñecemento de Zernadas, como xa fixeran Rivas Troitiño, Pardo de Neira e Carlos García Cortés.

Cada vez son máis os novos textos dos Séculos Escuros que van aparecendo da man de Rosario Álvarez, Mariño Paz ou Suárez Vázquez, que están cambiando a nosa percepción, mellorándoa, desa etapa.

«Cincuenta décimas contra don Diego Zernadas»

Xosé A. Fernández Salgado

Laiovento (2017)

204 páxinas

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Contra o cura de Fruíme