Día do Patrimonio


Ao longo de toda esta semana, tanto as institucións da memoria (as bibliotecas, os museos e os arquivos) como a Rede do Patrimonio, que reúne ás entidades civís de defensa do patrimonio cultural de Galicia, están a celebrar o Día do Patrimonio Mundial, que ten o seu eixo central no 16 de novembro. Esta é unha data para celebrar a herdanza dos nosos devanceiros: bens inmobles -desde castros a cruceiros ou lavadoiros-, mobles -escanos, arados- ou inmateriais -os contos, os bailes-.

En toda Galicia estimamos que o legado patrimonial inmoble ha de andar pola incrible cifra de 50.000 bens. No portal patrimoniogalego.net levamos xa varios anos catalogándoos sen parar e aínda imos nos preto de 10.000. É unha longa carreira de fondo. Alguén dirá: «Cantas fincas fastidian estes bens! Cantos lugares nos que non se pode edificar!». Crasa equivocación.

En realidade, o patrimonio cultural é unha enorme fonte de recursos e é moi doado de comprobar. Bens postos en valor como a catedral de Santiago, a muralla de Lugo, o castro de Baroña ou a torre de Hércules, entre outros, son inxentes fontes económicas. E alguén dirá: si, pero eses son espectaculares e moi bonitos e non a mámoa que teño na miña leira. E tamén estará trabucado.

Calquera que visite Irlanda, onde a maior parte dos bens arqueolóxicos son moi modestos e no rural non hai nin sequera casas vellas, decatarase de que aínda no noso patrimonio está todo o potencial por explotar. É un investimento do teu e do futuro dos teus fillos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Día do Patrimonio