Evitar a hecatombe


Ilústranos o gran municipalista e colaborador desta edición X. Ramón Alvite con dous datos moi elocuentes. Os concellos da bisbarra rebaixaron as súas (¿ou as nosas?) débedas en vinte millóns dende 2009 ata 2016, o que supón un 51,68 %, sen que se producira ningunha catástrofe insuperable, así como que entre 2015-2016 aliviaron as finanzas en cinco millóns que, como moi ben refire Alvite, trae causa dunha das mellores leis, quizais a mellor, promovidas polo goberno de Rajoy e severamente aplicada polo, neste caso inxustamente denostado, Montoro. Se isto fose constitucionalmente posible para o caso das autonomías, arranxaría un dos graves problemas deste país: o déficit público.

Nestes intres estanse negociando o teito de gasto e os orzamentos de 2018 e o conto vai por outras corredoiras. Ás autonomías non só non se lles recorta (nin se lles controla) senón que aínda lles toca a lotería, un décimo premiado que ninguén ten asegurado na vindeira do Nadal e nisto está o miolo da reflexión, a practicamente incapacidade constitucional do goberno da nación de planificar a actividade económica xeral do Estado prevista no artigo 131.1 da CE, xa que segundo o 131.2 precisa da colaboración, entre outros... ¡das comunidades autónomas! ¡Toma castañas!.

Estamos mergullados na virulenta chantaxe de Cataluña e cando pensabamos que o PSOE ía colaborar, incluída, no seu caso, a aplicación do ambiguo artigo 155 CE, resulta que si pero que non. Atinan os de Ciudadanos cando propoñen unha reviravolta institucional profunda porque, se non, este país será unha hecatombe.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Evitar a hecatombe