«O obxectivo é darlle habilidades ao alumno para obter un traballo»

antón parada RIBEIRA / LA VOZ

BARBANZA

MARCOS CREO

Os cursos formativos para desempregados rematarán este mes, cunha gran listaxe de actuacións realizadas

16 feb 2017 . Actualizado a las 05:00 h.

A comezos do pasado setembro, iniciábase nos municipios de Ribeira e de Porto do Son a terceira edición do obradoiro de emprego Tahume. Jose Luis Muñiz Brión (Corrubedo, 1988), o director deste programa formativo para persoas en situación de desemprego, abordou os coñecementos teóricos adquiridos polos alumnos traballadores. O especialista en administración de empresas e finanzas tamén relatou as diferentes actuacións levadas a cabo en materia de xardinería e pintura, que rematarán a finais deste mes.

-¿En que consiste o obradoiro de emprego Tahume 3?

-Trátase dun programa de formación mixto, no que os profesores proporcionámoslles aos alumnos a formación teórica, para que despois a poñan en práctica e así conseguir unha cualificación profesional a fin de que poidan desenvolver un oficio no futuro e facilitar a súa inserción no mercado laboral. O obxectivo é o de darlle habilidades ao alumno para obter un traballo.

-¿Cantos profesionais están integrados neste programa?

-Somos cinco docentes: un mestre de xardinería, un profesor de pintura, unha titora, unha administrativa e máis eu, que levo os contidos de carácter empresarial ou laboral.