O congreso de Cans aporta luz sobre o papel das mulleres nas revoltas rurais e urbanas

A primeira xornada congregou en Porto do Son a un nutrido público nas tres primeiras conferencias


Ribeira / LA VOZ

A muller galega foi una das grandes protagonistas na primeira xornada do congreso que comezou onte en Porto do Son e que ten por obxectivo analizar os avances históricos sobre movementos sociais e formas de protesta coincidindo co centenario da revolva vivida en Nebra en 1916. Herminia Pernas, mestra de historia en secundaria, aportou bastante luz sobre a evolución que tivo a muller nas revoltas, vividas tanto no rural como nas cidades, durante os séculos XIX e XX.

Pernas mostrouse crítica co pouco, ou ningún, protagonismo que tiveron as mulleres nos libros durante o período histórico citado e concluíu que, grazas ás reivindicacións dos últimos 70 anos, esa tendencia empezou a mudar, pero sen lograr os niveis de implantación desexados: «Nun principio, as aparicións das mulleres en revoltas foron espontáneas, e non sería ata o século pasado cando empezaron a formar parte de sindicatos organizados. Os casos máis soados víronse nas fábricas de tabaco da Coruña ou nas conserveiras de Vigo».

A criminalidade

A tamén mestra de secundaria Raquel Iglesias focalizou o súa intervención no rol das mulleres nun contexto de criminalidade nos séculos XVIII e XIX. Cando daquela eran elas as que interpoñían unha demanda, na maioría dos casos, os destinatarios eran homes que lles prometeran casar e cos que xa tiveran relacións sexuais, habendo en moitas ocasións un fillo de por medio. O problema era que os denunciados non cumprían a promesa de pasar polo altar. Outros casos de demandas eran por inxurias ou faltas contra o honor.

Nos casos nos que as mulleres se sentaban no banco dos acusados, cabe destacar os xuízos por pertenza a bandas de bandoleiros. É necesario explicar que o seu papel non era participar nos asaltos, pero si vender o botín. Xosé Ramón Veiga, profesor da USC, expuxo propostas didácticas sobre a historia política do século XIX.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O congreso de Cans aporta luz sobre o papel das mulleres nas revoltas rurais e urbanas