Galiza Nova elixe Ribeira para celebrar as súas xornadas anuais da mocidade

Está prevista a participación de máis de medio cento de persoas


Sábado e domingo • Casa da Xuventude de Ribeira • 11.00 horas • Son xa máis de medio cento os mozos que confirmaron a súa presenza nas xornadas da mocidade de Galiza Nova que este fin de semana se van desenvolver en Ribeira. Trátase da edición número 27 dunha actividade que pretende reunir a persoas de toda Galicia para que gocen dun programa de convivencia, formación e tamén tempo de lecer.

Para mañá están previstas as intervencións de Olalla Rodil, que falará do poder da palabra; Xavier Campos, que ilustrará aos presentes sobre creatividade; Bieito Lobeira, cuxa charla versará sobre organización; e Lucía Veciño, que pechará cun relatorio sobre a forza das mulleres. Os mozos farán un roteiro pola Curota e acudirán a unha cea homenaxe a Manuel María, que contará coa presenza de Carlos Callón.

O domingo, os asistentes asistirán a unha mesa redonda de representantes de diversos movementos sociais e a un debate relacionado coa situación da mocidade galega. Unha visita ao parque natural de Corrubedo servirá de colofón das xornadas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Galiza Nova elixe Ribeira para celebrar as súas xornadas anuais da mocidade