Luis Oujo: «A romería de Loreto sempre está marcada no calendario»

O rexedor sonense ensalzou a festividade do Carme como un momento de reencontro e unión dos veciños


Os numerosos quilómetros de costa que bordean Porto do Son constitúen dende sempre unha vista que fai que os seus habitantes nunca esquezan o nexo que este concello mantén co mar. Quizáis por iso as festas que se celebran nestas datas co motivo da honra á virxe do Carme -patroa dos mariñeiros- sexan aceptadas practicamente por unanimidade como a gran cita festiva da vila e de todas as súas parroquias. O alcalde sonense, Luis Oujo, profundizou neste feito á vez que fixo un repaso das vindeiras xornadas.

-¿Que significa realmente para a poboación de Porto do Son a festividade da virxe do Carme?

-A xente do mar de Porto do Son involúcrase moitísimo, pero xa ven de antigo. Sempre nos preguntaban por que a festa da virxe do Carme é en setembro. Pois porque aí acababan a tempada os nosos mariñeiros e era cando aproveitaban para arranxar as redes e aparellos; e celebrar a festividade. Na actualidade, máis dun 80% dos habitantes de Porto do Son vive do mar.

-¿Cal foi a evolución desta cita nos últimos anos?

-Que chegase a contar con cinco xornadas. Dende que entramos en 2011, intentamos encher cada día o máximo posible. Temos que agradecerllo á comisión de festas que traballa arreo durante todo o ano. Agora parece que a situación económica mellorou, pero lembro que houbo un momento no que barallamos reducir os días. A xente de Porto do Son nunca o tería entendido ou nolo tería permitido.

-Dende logo esa posible baixada desapareceu ou polo menos botando unha mera ollada ao programa iso parece, ¿da gran batería de actividades cales lle gustaría destacar?

-Destacamos a propia festa do Carme, coa procesión marítima e a procesión en terra. E por suposto, o festivo local do 9 de novembro. A romaría de Loreto sempre está marcada no calendario. Trátase dunha festa familiar, campestre no que todos se reunen para xantar no campo. Ademais este ano temos unha boa previsión meteorolóxica.

-¿E haberá espazos para todos os públicos nesta festa?

-Por suposto, este ano temos dúas orquestras en cada xornada. Durante o día os nenos terán actividades como xincanas, pasarrúas, inchables ou a festa da espuma. Tamén está prevista no último día a festa do auga, na que os mozos van en grupo percorrendo as rúas, mentres a xente participa tamén poñéndoos a pingar dende as ventás e balcóns das súas casas.

-¿Acude moita xente á celebración cume de Porto do Son?

-Moitísima xente. É moi común que a os veciños que están fóra, por un motivo ou outro, collan as vacacións nestas datas para vir a gozar coa súa familia. Ademais acoden de todas as parroquias do concello, por exemplo en Queiruga hai moitos armadores e iso reflíctese despois na asistencia. Pero non só iso, tamén veñen visitantes doutros puntos da comarca como de zonas como Ribeira, Noia ou Lousame.

- ¿Algún consello para os que veñen de fóra, de cara a aparcar e aos horarios de chegada?

-O mellor é que se dirixan todos cedo á zona portuaria, onde estará a Policía Local e Protección Civil axudando a aparcar. E que participen en todas as actividades, claro.

-¿Cal é o mellor recordo que garda destas festas?

-A misa do Carme emocióname cada ano que baixamos en procesión ata o porto. Ver desfilar aos veciños e aos militares do EVA-10, sumado ás caras de alegría dos porteadores. Pero sobre todo, emociónome moitísimo cando tiran a coroa na honra de todos os falecidos de Porto do Son no mar.

Oujo abordou a dura preparación que supón esta festa FOTO

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Luis Oujo: «A romería de Loreto sempre está marcada no calendario»