«Na actualidade estanse a editar os máis fermosos libros en papel»

mariña pérez rei

BARBANZA

ABRALDES

Gago, tamén gastrónomo, destaca a despensa natural que é BarbanzaManuel Gago Xornalista, arqueólogo

29 abr 2016 . Actualizado a las 05:00 h.

Para presentar a Manuel Gago escollería o vídeo no que visita a illa dos mortos, Ghidoiro, talvez porque nel amosa as súas abondosas habelencias como comunicador e a súa paixón pola terra. Con estas credenciais, é doado achegarse á súa traxectoria vital e indagar nun amplo percorrido profesional que denota xenerosidade.

-Ghidoiro Areoso é un reto, un Avalon para regresar un día a soñar?

-É unha metáfora do que quero para este país. Para algúns era só un areeiro onde ir de excursión, sen saber que se trata dun valioso almacén da prehistoria galega. Os pobos atlánticos compartimos dous fetiches: as illas e os mortos. A partir desa paixón nosa é doado construír un relato atractivo.

-Teu irmán é investigador na Antártida. Determinismo ambiental na ansia dos Gago por descubrir o mundo desde Palmeira? E haberá petróglifos ocultos na Antártida?