Barbanza: Nós Pobra fará reunións nas parroquias para dar a coñecer o seu proxecto

A Pobra foi un dos primeiros lugares nos que saíu á luz pública un novo colectivo veciñal que naceu co obxectivo de ser unha alternativa de goberno no municipio. Tralas últimas asembleas celebradas o proxecto foi collendo forma, primeiro, elixindo como nome Nós Pobra e despois creando distintos grupos de traballo para elaborar un programa electoral. O seguinte paso será percorrer as parroquias para darse a coñecer.

Nesas reunións, Nós Pobra buscará apoios e recollerá as propostas e preocupacións dos veciños do municipio.