Barbantia volveu a engrandecer a cultura


Ten afeitos aos veciños da bisbarra a convocar unha cita cada último venres de mes, pero Barbantia fixo un cambio con motivo das festas de Nadal. Adiantou a súa chamada cultural e fíxoa coincidir coa entrega dos Sereos, que foron a parar ás mans do historiador Manuel Mariño del Río, da escritora Aurora Marco e da presidenta de Ambar, Milagros Rey. Eles foron os protagonistas da foto de familia da xornada, na que tamén estaban, por parte da entidade cultural, Xesús Laíño, María Xesús Blanco e Manuel Cartea; e, por parte do Concello anfitrión, Outes, o seu alcalde, Carlos López Crespo. Ata esta localidade tamén se desprazaron os rexedores de A Pobra, Isaac Maceiras; Rianxo, Adolfo Muíños; e Lousame, Teresa Villaverde.

Dous rianxeiros cobraron un protagonismo especial na gala. A actriz e directora de Airiños, Esther Carrodeguas, foi a encargada de presentar o acto; mentres que o artista Che Tembra sorprendeu a gran familia de Barbantia facéndolle entrega dun agasallo: un Sereo feito con refugallos de metal.

Como ven sendo habitual, a cita convocada por Barbantia congregou a un número importante de veciños vinculados ao mundo da cultura. Déronse cita en Outes, entre outros, os historiadores Xesús Santos, Maxi Olariaga e Xerardo Agrafoxo; o escritor Antón Riveiro Coello e o artista Alfonso Costa. Foi un día grande, no que a cultura volveu a escribirse con letras maiúsculas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Barbantia volveu a engrandecer a cultura