«Os incendios é necesario apagalos durante o inverno»

Santiago Suárez

BARBANZA

MARCOS CREO

O presidente da Mancomunidade de Montes Serra do Barbanza aporta alternativas para previr os danos dos lumes no verán

05 sep 2013 . Actualizado a las 07:00 h.

Verán tras verán, os montes galegos en xeral, e os barbanceses en particular, son pasto das chamas. Os responsables destes terreos queimados e comunais hai tempo que aportan propostas para corrixir esta situación e, principalmente, minimizar os danos que causan os incendiarios.

¿Estaban os montes preparados este verán para recibir os lumes?

Radicalmente non polo abandono dos labores de prevención en favor do que se chama economía do lume. Nós pensamos que existe un negocio importantísimo sobre a extinción do lume que impide constituír o que tamén pode ser un negocio, xa que sempre farán falta empresas para realizar o traballo no monte, pero a prevención feita pola Xunta ten que basearse na limpeza correcta, que esixe que este terreo recupere a xente e os animais.

¿Con toda a choiva deste inverno, e sabendo que favorece o crecemento da masa forestal, non sería necesario priorizar as labores de prevención?