Manuel Portas presentou en A Pobra o seu libro «Faneca brava», no seo da asociación cultural Barbantia
02 jun 2013 . Actualizado a las 07:00 h.A literatura segue o seu percorrido pola bisbarra da man da asociación cultural Barbantia. O venres pola noite, a tenda-escola O Deán foi o escenario no que se presentou o número 85 de A Voz de Barbantia e a novela que leva por título Faneca brava, de Manuel Portas. Trátase dunha obra editada por Xerais e de corte realista, unha novela ambientada a medio camiño entre Arousa e Barcelona.
O acto foi presentado pola máxima representante del Centro Comercial Aberto O Deán, Amparo Cerecedo. O autor mantivo un interesante diálogo con presidente de Barbantia, Xesús Laíño, e desta sacáronse varias conclusións.
Manuel Portas, que ademais de escritor é sociolingüista e profesor, asegurou que «se escriben novelas porque se ama a literatura e do pracer lector pásase ao pracer da escrita». Tamén que toda novela ten moito de persoal, aínda que non sexa exactamente autobiográfica, xa que se nutre das vivencias do autor e das súas lecturas.
A obra alterna o ambiente da ría de Arousa, a zona sur, co ambiente urbano de Barcelona, e tamén de Compostela. O argumento xira arredor dunha muller, Concha, e da busca da súa verdadeira personalidade. O narrador principal é o seu curmán. Esta busca parte dun complexo de culpabilidade,
Personaxes femininas
Aínda que na historia hai varias personaxes femininas moi fortes, destaca a presenza de Fernando, non só como testemuña, senón con vida propia.
Ao final do acto de presentación do libro, o público tivo ocasión de participar nun diálogo co autor, que despediu A Pobra agradecendo a Barbantia, La Voz de Galicia e O Deán o seu esforzo por organizar iniciativas culturais deste tipo en lugares diferentes aos establecidos neste tipo de programacións culturais.