A festa das letras galegas segue a súa travesía pola bisbarra

O Liceo de Noia declarou deserto o premio do seu certame literario


ribeira / la voz

Parece que a crise que estamos a vivir non é só económica, senón tamén artística. Barbanza é unha bisbarra na que desborda o talento literario, pero a xulgar polo que ocorreu no Certame de Relatos Liceo de Noia, moitos creadores non atopan inspiración nestes tempos tan grises. A entidade tivo que declarar deserto o premio ao non presentarse obras da calidade que esixe un concurso que chega este ano a súa décima edición e non acostuma a recibir traballos de pouco nivel. Esta decisión deuse a coñecer o venres pola tarde, coincidindo coa celebración do Día das Letras Galegas e cando se sucederon os actos por diferentes concellos para reivindicar a cultura.

A participación foi moito menor que outros anos, cando se contaban por ducias os relatos que optaban a lograr o galardón, nada desprezable. O gañador recibiría en metálico mil euros e a súa obra publicaríase na revista Alameda para a súa difusión.

O xurado

Desde o Liceo de Noia faise un chamamento á sociedade para que o certame volva ao seu esplendor. O presidente, Óscar Prego, non atopa explicación ao que aconteceu nesta edición, pero confía en que nos próximos anos as tornas cambien. Cabe destacar que o xurado que declarou este premio deserto estaba formado por Agustín Agra, Olga Patiño, Rosa Aneiros e Ramón Carredano. O acto pechouse cunha actuación da coral polifónica da entidade.

Tamén en Porto do Son celebrouse o Día das Letras Galegas por todo o alto e cunha entrega de premios na que quedou demostrado que a literatura galega ten futuro. Os nenos foron os grandes protagonistas. No certame deste ano foron galardoados Indhira Fernández, Moisés Hermo, Sophía Fernández, Lorena Lijó e Rocío Leiro. Antes da entrega de premios houbo un contacontos para o deleite dos cativos e do público que asistiu ao acto na casa de cultura de Porto do Son.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

A festa das letras galegas segue a súa travesía pola bisbarra