O Premio de Historia Medieval dáse por consolidado


ribeira / la voz

Aínda que hai tempo que se coñecía a identidade da gañadora da duodécima edición do Premio de Historia Medieval de Galiza e Portugal, a autora lucense Olga Novo entrou onte a formar parte, oficialmente, da lista de galardoados. Foi nun acto que tivo lugar na casa de cultura de Lousame, onde se falou deste certame de investigación como unha iniciativa consolidada e con vocación dun futuro longo.

Iso foi o que destacou Clodio González, que interveu en representación de Toxosoutos, a editorial que hai doce anos decidiu crear este premio co fin de incentivar a investigación da historia de Galicia e Portugal, concretamente da época medieval, pero tamén de promover o emprego de dúas linguas irmás, o galego e o portugués.

Tamén a rexedora local, Teresa Villaverde, se referiu á importancia que acadou o certame co paso dos anos. Neste sentido, animou aos outros concellos que colaboran con esta iniciativa, que son Carnota, Muros, Porto do Son, Noia e Outes; a seguir achegando o seu grao de area para garantir o futuro do certame.

Como recompensa polo seu traballo, Leda m?and?eu. Erótica medieval galaica, Olga Novo recibiu, ademais do premio en metálico, unha figura conmemorativa e un exemplar do seu libro, que a editorial Toxosoutos ven de lanzar ao mercado.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

O Premio de Historia Medieval dáse por consolidado