A historia da Pobra ten outro piar no que sustentarse


ribeira / la voz

A rebentar. Así estaba o auditorio do museo Valle-Inclán a noitiña do martes. A presentación da obra de Xoán Pastor titulada A Pobra do Caramiñal. Cronoloxía histórica coincidiu co Día do Libro, como non podía ser doutro xeito, e levouse a cabo no escenario polo que pasan os grandes autores da bisbarra.

Os veciños encheron o centro cultural a sabendas de que a historia do concello estaba entre as páxinas deste traballo, reeditado e que conta con uns 1.200 datos e 460 datas documentadas.

Carácter divulgativo

A concelleira Encarna González, o alcalde Isaac Maceiras, o presidente de Barbantia, Xesús Laíño, e o investigador Xerardo Agrafoxo tomaron a palabra. Este último destacou o carácter divulgativo dunha obra «da que todos os veciños poden sentirse moi orgullosos». O mandatario, pola súa parte, celebrou que este libro contribúa á riqueza cultural do concello.

Pero ninguén mellor que o propio autor para falar da súa obra. Por iso, Rodríguez quixo deixar claro que un dos obxectivos do libro é servir de base para os futuros estudosos, adiantando que xa está a reunir datos para un novo libro. O traballo do investigador non ten apenas descanso. Todos os asistentes ao acto leváronse debaixo do brazo un exemplar, para poder seguir presumindo da súa terra.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos

A historia da Pobra ten outro piar no que sustentarse