Barbantia recibiu un novo impulso en Lousame


É sen dúbida o concello menos poboado da bisbarra, pero tamén o máis extenso. E agora ten outro mérito, que é o de ser outra casa para a Asociación Cultural Barbantia que pechou o intenso e complicado exercicio neste termo nun acto cheo de calor, animado por unha aguda Esther Carrodeguas que incluso lembrou ao seu profesor Xosé Ramón Barreiro, premiado co sereo á cultura galega que non compareceu no acto.

Moitos persoeiros

A alcaldesa, Teresa Villaverde, dixo que era o seu desexo que o presidente da Deputación vise a forza cultural que hai en Barbanza, e non só conseguiu que Diego Calvo estivese en Porto Bravo, senón tamén os rexedores de Rianxo, Adolfo Muíños; Porto do Son, Luis Oujo; e Outes, Carlos López; ou exmadatarios como Xosé Deira e Manuel Velo; pero tamén a deputada no Congreso Tristana Moralejo e o flamante parlamentario galego Santiago Freire. En fin, un feixe de personalidades ás que hai que engadir os sempre fieis seguidores da entidade.

Música de vento

O ambiente foi do melloriño, animado pola sección de vento da Banda Municipal de Lousame. E subiu de ledicia o ver que ó belén da casa de cultura faltáballe o gando, quizais atendendo á declaración papal, pero non un volume do Anuario de Estudos do Barbanza.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos

Barbantia recibiu un novo impulso en Lousame