25 nov 2012 . Actualizado a las 07:00 h.
O Ateneo Valle-Inclán foi escenario, na tarde onte, da entrega do premio Altofalante, que este ano recaeu na plataforma Indignados Barbanza. O encargado de recoller o galardón foi Alejandro Silva, quen na súa intervención indicou os obxectivos e principios que rexen ao colectivo ao que representa.
Xosé Vázquez Cobas, presidente de Altofalante, explicou polo miúdo as razóns que levaron á xunta directiva a elixir a Indignados Barbanza como merecedores do galardón. A defensa de sanidade e ensino públicos, a oposición á reforma laboral e o compromiso coas liberdades cidadás converten a este colectivo, en opinión de Altofalante, nun exemplo de rebeldía.
