O boirense Agustín Horta Resúa será homenaxeado no Día da Galiza Mártir

O acto terá lugar na rotonda de Cimadevila mañá pola tarde


Ribeira

Como cada ano, a rotonda de Cimadevila, na entrada á localidade boirense, será escenario da homenaxe aos veciños do municipio represaliados que se leva a cabo cada ano con motivo do Día da Galiza Mártir. Agustín Horta Resúa é o nome que se sumará aos gravados no monumento situado no inicio da rúa Principal.

Agustín Horta era natural da parroquia de Bealo e tiña 26 anos cando foi paseado e executado no lugar do Confurco. Morreu o 21 de novembro de 1936 porque se negou a delatar ao seu irmán Celestino. O acto de homenaxe será mañá a partir das 20.30 horas.

Votación
0 votos
Tags

O boirense Agustín Horta Resúa será homenaxeado no Día da Galiza Mártir