«Querer facer máis con menos é demagoxia»


Ademais de exercer como presidente da Asociación Cultural Barbantia, Xesús Laíño é profesor titular de Lingua e Literatura Galega e imparte a optativa de Literatura Universal para os alumnos de segundo de bacharelato no instituto Leliadoura de Frións, en Ribeira.

-Como profesor, ¿está de acordo cas medidas tomadas para reducir gastos?

-No ensino querer facer máis con menos é demagoxia. Por exemplo, ¿se reducen os mestres de música para que fan palacios da ópera?. A cultura constrúese dende abaixo, empeza no ensino. O único que fan son experimentos que favorecen aos centros concertados.

-Entón, ¿está a favor das mobilizacións?

-Esperanza Aguirre dixo que non entendía porque facemos folga agora, se non a fixemos cando nos recortaron os soldos. Agora, o que nós reclamamos é calidade no ensino para que non o desmantelen. A nós, cada vez que imos á folga, quítannos un tanto do noso soldo. O que non pode ser é que paguen a crise os máis débiles.

-Observando a crise económica, ¿como ve a situación de Barbantia?

-Esperamos seguir coa actividade que estamos desenvolvendo ata agora, polo menos intentarémolo. Aínda que cando hai crise os recortes sempre se fan na cultura e na educación porque é máis fácil recortar nestas materias que noutras.

-¿Por que colabora co que, supostamente, vulnera os seus principios?

-Esperando o mellor non se pode deixar de facer o bo. Hai que procurar non facer cousas indignas. O mal ten grados moi claros. Sen embargo, o que está ben, está ben. Dentro de algo bo pode estar mellor ou ben pero é correcto.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«Querer facer máis con menos é demagoxia»