«O noso traballo céntrase no medio rural»

La Voz

BARBANZA

26 jun 2011 . Actualizado a las 06:00 h.

Incisivo nas súas argumentacións, o presidente de Cogami non oculta a realidade e recoñece que hai situacións moi duras.

-¿Cales son os principais problemas aos que se enfrontan?

-Unha loita permanente de Cogami é que as persoas que viven no medio rural teñan as mesmas oportunidades que os veciños das cidades. Hai que achegar os recursos ao seu entorno.

-O medio rural sempre ten máis carencias que as cidades, en calquera cuestión.

-Nós temos que paliar eses déficits, o noso traballo céntrase no medio rural. Estas persoas teñen o dobre de dificultades e non che digo nada si se trata de mulleres, que nese caso os problemas triplícanse. O que non pode ser é que no século XXI, un cidadán con discapacidade non teña asegurada a súa inclusión no ensino ordinario. Non teñen nin transporte adaptado. O feito de non posibilitar o acceso dun rapaz a un colexio conduce ao illamento.