Primeira experiencia cos nenos do colexio Galaxia


No marco da campaña de animación turística que a mancomunidade pretende desenvolver este verán, o martes pasado xa se levou a cabo a primeira actividade, consistente nun itinerario de sensibilización turística no que participaron corenta alumnos do colexio Galaxia. Os escolares tiveron a oportunidade de entrar en contacto cos valores naturais e culturais máis destacados do entorno no que residen, o territorio de Ribeira.

Entre as paradas que fixeron os nenos atópanse a localidade de Palmeira, onde contactaron coa cultura mariñeira; a Pedra das Cabras, onde recibiron información sobre valores ambientais; o faro de Corrubedo; o menhir de Bretal e o dolmen de Axeitos.

A persoa da mancomunidade que exerceu de guía, Irene Maneiro, explicou que a ruta guiada por Palmeira foi unha sorpresa tanto para os alumnos como para os tres profesores que os acompañaron ao longo desta experiencia. A maioría dos rapaces coñecían o pobo, pero non tiñan nin idea das singulares historias que se atopan detrás dos principais puntos de interese turísticos desta parroquia ribeirense.

Causou expectación, por exemplo, a orixe castrexa de Palmeira, concretamente o lugar do Castelo, onde se levanta unha estatua en homenaxe ao emigrante. Antigamente, alí existía unha fortaleza defensiva que foi derruída nas revoltas irmandiñas do século XV.

A realizada co colexio Galaxia non foi unha experiencia illada, senón que a intención da mancomunidade é repetila con outros centros educativos da comarca. Neste sentido, o obxectivo é que os nenos sexan os primeiros que aprendan a valorar a riqueza do entorno no que residen.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Primeira experiencia cos nenos do colexio Galaxia