Sacar maior proveito ás posibilidades que ofrece o turismo náutico é outra das tarefas pendentes na ría noiesa.
-¿Non cre que está pouco explotado ese sector?
-Temos certos atractivos que non podemos esquecer, como é o Club Náutico de Portosín e outras iniciativas semellantes que se están a poñer en marcha na comarca, pero primeiro temos que tentar que a nosa enseada estea en boas condicións.
-A rexeneración da franxa interior do estuario, ¿beneficiará so a Noia desde o punto de vista turístico e económico?
-Ás veces, nos esquecemos de Outes e de que moitos dos produtores que traballan nos bancos marisqueiros proveñen dese municipio. A rexeneración da ría vai ter un beneficio económico e un atractivo turístico para toda a comarca.
-¿En que medida pode contribuír a entidade que preside a apoiar ao marisqueo?
-A Consellería de Pesca anunciou a apertura dunhas liñas de axuda para as confrarías e outras asociacións que non teñen cabida nos fondos rurais.
-¿As deficiencias en infraestruturas terrestres deixaron atrás á ría de Muros e Noia?
-Hai unhas débedas históricas con esta zona que o plan de reequilibrio territorial tentará cubrir con obras como a autovía de Santiago e a variante.