A Unión elixiu aos gañadores dos certames de fotografía e narrativa

Dezaséis persoas foron galardoadas polos seus traballos nos concursos da asociación A cultura converteuse en protagonista na maior parte das vilas da comarca


ribeira

A asociación de veciños A Unión de Santa María do Castro entregará hoxe os premios dos certames de fotografía e narración que convoca dende hai varios anos. Os nomes dos traballos gañadores déronse a coñecer onte, unha vez que os respectivos xurados emitiron o seu veredito. Un total de dezaséis persoas serán obsequiadas con varios agasallos polos traballos presentados.No sexto concurso fotográfico resultou vencedora a imaxe ... E de súpeto fíxose a luz , de José Antonio Vila Rodríguez, que se levará unha cámara dixital. En segundo e terceiro lugar quedaron Chegando ao porto, de Jesús María Torrado Vidal, e Necesito asfaltado, de Mercedes Martínez García. Pola súa banda, no cuarto concurso de narración concedéronse primeiros premios nas diferentes categorías a Nuria Outeiral Pais polo seu relato Hai un planeta novo e a Pedro Campos García por X oan, vento norte e vento sur . Cada un dos dous afortunados recibirá un reproductor de DVD.SegundosOs segundos premios foron a parar a mans de Sonia Rodríguez Hermo por A bruxa e o seu gato , Francisco Riveiro Fontaine por Días para lembrar , Antía Franco Ojea por O nome perdido co paso do tempo , Montserrat Franco Ojea por O son das ondas e Xosé Marcelino Romero Herbón por Viva o Esteiro . Os galardóns que lle entregará a asociación consisten en reproductores de cedé e de mp3.Os terceiros clasificados polas súas narracións, que recibirán os seus respectivos lotes de libros, foron Carlota Ozores por O globo e a flor máxica , Marta Esther Varela Rodríguez por Os animais en perigo de extinción , Alexandre Muñiz Places por Pesadilla , Pablo Lado Vidal por Extraterrestres e José Manuel Vázquez Lorenzo por Billete de ida e volta . Durante os últimos días tamén se celebraron varios actos na comarca con motivo das Letras Galegas, algúns deles en centro educativos, co obxectivo de inculcar e difundir o galego entre os máis novos. No Teatro Elma da Pobra actuou o grupo Títeres Cachirulo, coa obra Catro contos da China, e a asociación cultural Matapiollos, con Mario . As actividades contaron coa asistencia de medio milleiro de escolares, que recibiron un exemplar do libro de Antón Lopo sobre Xesús Lorenzo Varela. A coral Abrente tamén ofreceu o domingo un concerto na igrexa do Castelo.Actividades diversasEn Noia celebrouse o pasado xoves un recital coa participación de alumnos do conservatorio e do IES Virxe do Mar. En Porto do Son, o grupo Migallas escenificou O libro máxico e o grupo de teatro da Cruz Vermella, ¡Xesús, que criada! e O segredo do tío Sanfona . Nesta vila, as bandas Suevia e de Caamaño e os grupos Castro de Baroña e Aturuxos de Atalaia ofreceron concertos, e mantéñense abertas varias exposicións literarias.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

A Unión elixiu aos gañadores dos certames de fotografía e narrativa