Plásticos, vidro e entullos no entorno do Umia

O Colectivo Ecoloxista do Salnés participou nunha nova xornada de limpeza dentro do Proxecto Ríos


O Colectivo Ecoloxista do Salnés (CES) participou este domingo nunha nova actividade do Proxecto Ríos, coordinado pola asociación ADEGA, polo que se organizan limpezas simultáneas nos caudais galegos baixo o lema «Móllate polos ríos».

Nesta comarca, os esforzos céntranse no Umia onde, unha vez máis, un grupo de voluntarios achegáronse ata Pontearnelas para dedicar a mañá a recoller o lixo que se acumula nas ribeira. A diferenza con respecto a ocasións anteriores é que, desta volta, limitouse o número de participantes debido ás limitacións de aforo a que obriga o covid, pero o escenario co que se atopou o CES foi similar ao de outras veces: o lixo segue sendo un problema para os ecosistemas fluviais.

Nas dúas horas longas de batida no arredores da ponte de Santa Marta recolléronse cen litros de envases de plásticos e latas de refrescos, cinco litros de papel e cartón, dez litros de vidro, outros restos non reciclables, varios trozos de entullos (ladrillos, formigón lousas..) e unha cuberta de fibra de vidro dun metro e medio cadrado.

Desde o colectivo ecoloxista invitan á poboación a coidar os ríos da súa contorna para evitar a proliferación de vertedoiros como o que foi localizado no Umia o ano pasado e que, a pesares de ser informado o Concello de Ribadumia ao respecto, segue sen eliminar.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Plásticos, vidro e entullos no entorno do Umia