Veloso e Ángel Sánchez repetirán como director e pupilo no Mortágua
VILAGARCÍA DE AROUSA
O vilagarcián encadea a súa segunda temporada á fronte do conxunto continental, no que o cambadés sumará catro anos
03 nov 2022 . Actualizado a las 05:00 h.O ciclismo arousán volverá contar no 2023 con Gustavo César Veloso e con Ángel Sánchez Rebollido formando parte do pelotón profesional. E por segundo ano consecutivo, con ambos os dous coincidindo na estrutura do Tavfer-Mortágua-Ovos Matinados. O vilagarcián, de novo á fronte da escadra continental no papel de director deportivo no que se estreou neste 2022 nada máis poñer o punto final a 21 temporadas rodando no gran pelotón. O cambadés, sumando a que será a súa cuarta campaña no equipo de Mortágua.
A falta da sinatura do novo contrato, Gustavo César Veloso confirmaba onte o seu acordo verbal co Tavfer: «Vou seguir un ano máis á fronte do equipo como director deportivo». Unha continuidade avalada polos números. Co arousán como estratega, o Mortágua pasou do atrevemento á insolencia de discutirlle aos grandes do ciclismo portugués parte da torta do calendario, gañando oito carreiras. Entre elas, nada menos que dúas etapas da Volta a Portugal, o grande obxectivo do ano para o pelotón nacional luso, sen equipos máis aló do nivel continental, a terceira e última categoría profesional.
Se as razóns do Tavfer para volver apostar por Veloso son obvias, que motivou o vilagarcián a aceptar renovar?: «Principalmente que este é un proxecto que comecei eu e no que me deixaron traballar con total liberdade. Motívame seguir traballando coa mesma xente e ver ata onde poden chegar». A día de hoxe, e tras ofrecerlles a continuidade aos once ciclistas da temporada 2022, o proxecto pasa por dispoñer de todos eles de novo coa única novidade do sub 23 de primeiro ano Rafael Barbas ocupando o oco de Pedro Pinto, que preferiu cambiar de aires.
Así pois, Ángel Sánchez figura entre os homes que volverá ter ás súas ordes Veloso. O cambadés declaraba onte estar: «Muy contento. Tenía alguna otra opción más, también en Portugal, pero realmente estoy cómodo en el Mortágua y quería seguir».
Con 29 anos, Sánchez vén de asinar o mellor ano da súa carreira, coa guinda do seu primeiro triunfo desde o 2018, na Clássica de Mortágua, e ao bordo do Top 10 na xeral da Volta a Portugal. «El año que viene quiero reivindicar lo que vine haciendo este y demostrarlo desde el principio», di. O mesmo agarda Veloso: «Queremos ver o Ángel que sabemos que ten dentro, converténdose nun corredor de referencia».
Ángel Sánchez: «Nunca sabes que puedes estar arriba hasta que lo estás»
El lunes Ángel Sánchez Rebollido (Cambados, 12/4/1993) volvía de Lisboa como uno de los protagonistas de la 83ª. Volta a Portugal. Al contrario que João Matías, su compañero en el Tavfer-Mortágua-Ovos Matinados y ganador por partida doble en sendas llegadas al esprint, el arousano no había pisado lo alto del podio de ninguna de las diez etapas y el prólogo de la Grandíssima. Sin embargo, con el vilagarciano Gustavo César Veloso estrenándose en funciones de director deportivo al frente de su escuadra, Ángel había firmado el probablemente mayor salto de calidad registrado entre los corredores en acción en las tres últimas ediciones de la ronda lusa, finalizando decimotercero en la general individual tras figurar décimo la mitad de la carrera. En su debut en la Volta, en el 2020, había concluido en el puesto 66 y en el 62 al año siguiente.