Amplían o saneamento en Vilaboa e melloran a accesibilidade no Vento

As obras serán acometidas con fodos da Deputación


vilagarcía / la voz

O Concello de Vilagarcía acometerá dúas obras máis a través dos fondos da Deputación grazas ao reinvestimento das baixas producidas nas adxudicacións doutros proxectos. As actuacións que se van a levar a cabo mediante este sistema de financiamento son a mellora e ampliación da rede de saneamento na Rúa Vilaboa e a Mellora da mobilidade e accesibilidade en O Vento-Cea.

A obra a levar a cabo en Vilaboa complementará a actuación realizada este mesmo ano polo Concello para paliar os problemas que sufrían os veciños desta rúa debido a atascos da rede e que consistiu en duplicar un tramo do servizo mediante a instalación dun segundo colector para repartir o fluxo das augas residuais e reducir así o risco de atascos e desbordamentos. O proxecto que se vai a levar a cabo agora cons fondos provinciais ten un orzamento de 29.680 euros.

O proxecto de mellora da mobilidade e accesibilidade en O Vento-Cea é unha actuación que se fai posible grazas ao acordo acadado entre o Concello e a Comunidade de Montes de Cea. A colaboración materializouse na cesión de terreos por parte dos comuneiros e na realización das obras por parte da administración municipal.

A actuación planificada prevé retranquear a marquesiña da parada do autobús que actualmente se atopa enriba da estrada do Pousadoiro, con perigo para os usuarios e para a circulación. Os terreos cedidos tamén permitirán abrir a dificultosa saída de vehículos dende o camiño que alí mesmo entronca coa estrada provincial e que, debido a súa estreitez resulta incómoda e perigosa. A obra ten un orzamento de 27.041 euros.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Amplían o saneamento en Vilaboa e melloran a accesibilidade no Vento