O Arousa recortoulle en mes e medio 9 puntos ao cuarto clasificado

Tras unha sangría de puntos como local, a blindaxe dos de Rafa Sáez na Lomba nos seus tres últimos partidos devolveulle ao equipo a condición de candidato á fase


vilagarcía / la voz

O 1-0 sobre a U.D. Ourense do pasado domingo supuxo moito máis ca 3 puntos para o casilleiro do Arousa. O triunfo sobre o cuarto clasificado confirmou a recuperación do equipo de Rafa Sáez da condición de candidato á promoción de ascenso coa que arrincara a Liga 2018/19, e que ao termo da xornada 23, hai apenas mes e medio, perdía tras a súa derrota pola mínima no campo do Alondras, 1-0. Un tropezo este que enviaba o cadro arlequinado á novena praza da clasificación a 13 puntos de distancia da U.D. Ourense, que xa daquela figuraba na cuarta praza. Seis xornadas despois o Arousa é sétimo, pero a tan só xa 4 puntos da súa última vítima e co goal average do lado vilagarcián cando inda restan nove encontros máis para a conclusión da Liga.

Fronte ás catro derrotas consecutivas da U.D. Ourense, o Arousa suma 13 dos últimos 18 puntos disputados, con catro triunfos, un empate e o único lunar do 4-0 encaixado hai nove días na Malata a mans do líder, Racing de Ferrol. Una xeira que coincidíu coa maior cantidade de baixas semanais da tempada nun Arousa cun cadro de persoal do máis reducido, e que se sustenta sobre a capacidade do colectivo de Rafa Sáez de poñer fin á súa debilidade como anfitrión, para transformar A Lomba no fortín que precisa para dar o gran salto. Así, tras gañar tan só catro dos seus doce compromisos precedentes como local na Liga, o Arousa saldou con 9 puntos as tres últimas visitas, do Silva, do Compos, e da U.D. Superado con éxito o seu Tourmalet, este sábado mediráse a domicilio ao pechacancelas, Porriño.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Arousa recortoulle en mes e medio 9 puntos ao cuarto clasificado