Os Ingleses pelexa co Ferrol a vantaxe de campo na fase final polo título de Liga

O conxunto vilagarcián precisa gañar hoxe en Fontecarmoa por alomenos 8 puntos, ou facelo conseguindo catro ensaios e que o seu rival non os realice


vilagarcía / la voz

A primeira fase da Liga de Primeira Autonómica de rugbi conclúe hoxe coa chamada a ser a final anticipada polo título. Os Ingleses R.C. recibe esta tarde, no estadio de atletismo de Fontecarmoa (17 horas), o Ferrol, no derradeiro encontro da liguiña que disputaron o primeiro, segundo e terceiro clasificados ao termo do campionato regular. Co CRAT B coma convidado de pedra, o conxunto vilagarcián pelexa por arrebatarlle o primeiro posto ao seu rival, e facerse deste xeito co factor cancha na semifinal e na hipotética final polo título autonómico, ambas a partido único.

As contas están claras. Co Ferrol líder con 28 puntos na clasificación, 3 máis co Ingleses, e logo de caer este 18-12 na primeira volta da liguiña, o equipo que dirixe David Lema precisa, ou ben gañar de alomenos 8 puntos de diferenza, a fin de evitar o bonus defensivo do seu adversario, ou vencer anotando un mínimo de catro ensaios e que o Ferrol non os faga, o que lle proporcionaría ao cadro arousán o bonus ofensivo.

O adestrador dos Ingleses amosábase onte razoablemente optimista ao respecto. E isto é así tras recuperar a varios homes de peso respecto ao encontro de hai un mes na cidade departamental. A Chuco, á, a Biris, centro, pero sobre todo a Maverick e a Marcos, segundas liñas, dada a importancia que, subliña David Lema, volverán ter as fases estáticas do xogo, touchs e melés, nas que «sufrimos moito en Ferrol», lembra o técnico arousán. Con Maverick e con Marcos Lema confía en poder elevar o número de posesións do oval inda coas baixas de Alejo e de Gamba, ambos por traballo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Os Ingleses pelexa co Ferrol a vantaxe de campo na fase final polo título de Liga