O auditorio de Vilagarcía acolle esta tarde o asombroso espectáculo da compañía Malasombra, Os Fabulosos Cleaners, no que burbullas de xabón de todos os tamaños, cores e formas flotarán polo recinto e farán voar o maxín dos espectadores. A cita forma parte da programación de Nadal que organiza a concellería de Cultura e chega á capital arousá da man da Rede Galega de Teatros e Auditorios.
Os Fabulosos Cleaners é un espectáculo visual creado por Luis Beviá, no que dous expertos operarios de limpeza descobren por casualidade as posibilidades que poden dar as súas ferramentas de traballo, combinadas con auga e xabón. A partir de aí, os personaxes emprenderán unha excitante viaxe conducida por pompas de sabón.
Hoxe • 19 horas • 2 euros para menores de 5 anos, 5 para adultos • Auditorio municipal de Vilagarcía •