Cambados e Vilagarcía pechan a táboa da Superdivisión

Derrotas contundentes de ambos os dous equipos arousáns o domingo


vilagarcía / la voz

Os peores presaxios acabaron confirmándose na mañá do domingo, e os dous equipos arousáns na Superdivisión de tenis de mesa remataron novamente con derrota os seus correspondentes compromisos de Liga.

O Cambados T.M. nada puido facer ante a manifesta superioridade do líder da máxima categoría, o Arteal T.M., que regresou a Santiago cos 2 puntos en xogo no Pavillón Municipal do Pombal. Stefan Shaposhnikov era, no primeiro emparellamento fronte a Moisés Álvarez, a maior baza local para evitar o 0 no seu marcador final, pero o ruso cedeu por idéntido 5-11 os seus tres xogos co seu rival. Javier Soria, ante Humberto Manhani, e Fernando Padín diante de José Énio Mendes, tamén caeron en tres xogos, con Shaposhnikov pechando o choque 1-3 con Manhani.

O Vilagarcía T.M., pola súa banda, caeu 1-4 co Fundación Cajasol Híspalis. Pedro Castro encaixou un 0-3 de Artem Panchenko, Reinier Cabezas perdeu en cinco xogos con Anthony Arputharaj, Sergei Nigeruk sumou o punto da honra vilagarciá ante Antonio Chaves cun 3-0, para ver despois as derrotas de Castro con Arputharaj 0-3 e de Nigeruk ante Panchenko 1-3.

Con estes marcadores o Cambados T.M., con 3 puntos, volve á zona de descenso acompañando o Vilagarcía T.M., pechacancelas con 2.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Cambados e Vilagarcía pechan a táboa da Superdivisión