O sábado, menú de tortilla e bombas de risa en Vilagarcía

VILAGARCÍA DE AROUSA

Señora Supina é a compañía que actuará esta fin de semana na cidade

19 oct 2018 . Actualizado a las 05:00 h.

Mañá • 21 horas • 5 euros (de balde para desempregados, estudantes e maiores de 65 anos) • Cinco mulleres que comen tortilla é o título da obra que mañá se porá en escena no auditorio de Vilagarcía. Corre o espectáculo por conta da compañía Señora Supina, que fixo unha aposta por esta comedia «delirante e enxeñosa, que transporta ao espectador á América dos anos 50 grazas ao humor e a unha coidada posta en escena». A liberdade, a relixión, o feminismo, a moralidade e o medo ao descoñecido son os motores desta exitosa comedia, que se articula sobre o concurso de tortillas de Susan B. Anthony e a caída dunha bomba atómica. Esta historia ten xirado por escenarios de todo o mundo, mesmo triunfou en Broadway.