05 oct 2018 . Actualizado a las 05:00 h.
O Balonmán Vilagarcía, o recentísimo novo proxecto que tenta recuperar na capital arousá a práctica dun deporte que tivo tanta prédica no pasado, fundamentalmente en Carril, vén de recibir o seu primeiro recoñecemento. En forma de convocatoria de tres das súas xogadoras, Candela Rodríguez Ferreirós, Iria Rodríguez Iglesias e mais Carmen Vila ao adestramento deste domingo en Redondela da preselección galega infantil feminina. Xunto a elas, a xogadora do Rasoeiro Carla Domínguez.