Facer memoria, un exercicio de democracia

O colectivo pon en marcha unhas charlas pola memoria democrática


Mércores 12 e xoves 13 • 20 horas • Local de O Faiado da Memoria (Ravella 27) • Facer memoria é un dos mellores servizos que se poden facer á sociedade. Os integrantes da Iniciativa Cidadá pola Memoria Histórica téñeno claro. E por iso, neste momento no que hai quen promove a amnesia colectiva como fórmula de construír o futuro, están empeñados en facer xustamente o contrario: en darlle luz ao pasado, para atopar a verdade, para perseguir a xustiza ás vítimas, e para reparar -ou cando menos intentalo- os anos de dor e ocultamento. Deste xeito nace o ciclo de charlas pola Memoria Democrática que onte se presentou no local do Faiado da Memoria, que será tamén onde se celebren estes actos de conciencia e historia. O primeiro terá lugar o mércores, día 12, as oito da tarde. Anxo Doval Rey ofrecerá un relatorio titulado «Resistencia e represión no rural: Faxilde e a súa contorna», no que realizará un achegamento ás sociedades agrarias de Vilagarcía e á terrible represión da que foron vítimas, así como a historia dos presos vilagarciáns no penal de San Cristóbal. Ao día seguinte, o xoves 13, haberá unha nova charla. Neste caso leva por título «Abrindo fosas, pechando feridas», que correrá a cargo de Santiago Macías, cofundador da Asociación pola Recuperación da Memoria Histórica.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Facer memoria, un exercicio de democracia