Dous primos vilaxoaneses no triunfo de Cabo na ACT

Diego Suárez e Anxo Martínez foron parte da tripulación coa que o barco barbanzán conseguía o pasado domingo a segunda vitoria da súa historia na hoxe denominada Liga Eusko Label. "Foi espectacular. Non hai palabras para describilo. Hondarribia enteira celebrouno connosco coma se foramos dalí", din


vilagarcía / la voz

A traíña masculina de Cabo conseguía o pasado domingo en Hondarribia un fito só a man do club barbanzán noutra única ocasión na súa historia, 14 anos atrás, curiosamente nas mesmas augas de Hondarribia nas que ondeou a bandeira de campión dunha regata puntuable para a Liga Eusko Label (ACT). O máis parecido a un título da Copa do Rei de fútbol ao que pode aspirar o remo galego fronte aos potentados xigantes vascos. E axudando a mover ese triunfante barco arousán, dous vilaxoaneses, Diego Suárez (30/IV/91), na marca de babor, e Anxo Martínez (3/V/93), no estribor 2.

«A palabra é espectacular». Así comezaba onte a recordar o vivido o pasado domingo Diego Suárez. «Saímos diante na segunda quenda, marcando o ritmo, cunhas sensacións que non foramos quen de notar ata entón na Liga. O barco ía moi solto, e cos minutos non notabamos baixón. Entón Beni -o adestrador- mandoulle polo pinganillo a Alfonso, o noso patrón, que nos exprimira, e atopámonos con que gañamos con 41 segundos a quenda». «Foi a regata perfecta, saíunos mallada», engade Anxo. E tocou unha «espera longa». Máis cando «na quenda de honra se estropearon os GPS, e só tiñamos a referencia dos pasos polas boias. Cando rematou a quenda de honra», lembra Suárez, «houbo uns 20-30 segundos de silencio ata que dixeron por megafonía que gañaramos». Entón desatouse a loucura. «O pobo estoupou. Hondarribia enteira celebrouno connosco como se foramos da casa». Anxo di que «non hai palabras para describilo. Coma Cabo, Hondarribia é un equipo de canteira, e pareciamos dous clubs irmanados».

El sonido del último arreón triunfal de Cabo en Hondarribia El audio de la caja del barco en los últimos metros de la regata demuestra la agónica (y merecida) victoria.

E se a xente de Hondarribia os tratou coma se fosen os seus propios remeiros, os integrantes da traíña de Cabo foron recibidos cal campións olímpicos ao seu regreso a casa. «Agardáronnos na saída da autovía cara Boiro, e fixeron unha caravana de coches ata o club. ¡Alí había unhas 2.000 persoas, con bombas e todo!», lembran os dous vilaxoaneses.

Vivir algo así «xuntos é especial», din, porque «somos primos, colegas de toda a vida, desde que subimos á traíña levamos remando sempre xuntos, e no 2016 marchamos xuntos do Vilaxoán a Cabo» para vivir a experiencia da ACT. Titulares indiscutibles, o seu novo reto, sinalan, é clasificarse para A Concha o 30 de agosto.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

Dous primos vilaxoaneses no triunfo de Cabo na ACT