Jéssica Bouzas salienta a vivencia da fase final da Winter Cup

A vilagarciá rematou sétima con España en Kazán, Rusia


vilagarcía / la voz

Jéssica Bouzas regresaba á Academia Tenis Ferrer en Jávea, Alacante, o pasado luns tras ter participado na súa primeira fase final dunha Winter Cup, o Campionato de Europa en pista cuberta de seleccións nacionais de categorías base, no seu caso a cadete. En Kazán, Rusia, onde a vilagarciá finalizou co combinado hispano no sétimo posto.

Eliminada España nos cuartos de final pola anfitrioa, gran favorita e campioa, Rusia, cun 3-0 inapelable e Bouzas caendo no choque de dobres 6-2/6-0 xunto con Leyre Romero fronte a Elina Avanesyan e Alina Charaeva; a galega perdía o sábado 6-0/4-6/1-6 con Mina Hodzic no primeiro encontro con Alemania, que esta gañou 2-1 tras renunciar a xogar o dobres. O domingo, no cruce polo sétimo posto, a vilagarciá cedeu o segundo punto con Austria 0-6/6-2/2-6 con Daniela Glanzer, coa que se resarcíu no duelo de dobres gañando con Romero a Gross e Glanzer 6-3/4-6/10-7.

«Fue una buena experiencia, de mucho nivel. Jugué con las mejores de mi edad», declaraba onte Bouzas desde Jávea. Este fin de semana xogará a fase final do Campionato Catalán de Clubs co C.T. Barcelona.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Jéssica Bouzas salienta a vivencia da fase final da Winter Cup