O Vilagarcía Cocinas Bulthaup opta a pechar a primeira volta en posto europeo

Recibirá mañá o L?Escala, equipo que o precede na clasificación


Undécimo partido na Superdivisión na historia do Vilagarcía Cocinas Bulthaup, herdeiro da sección de tenis de mesa do Liceo Casino. Un encontro que mañá pola mañá, a partir das once, medirá o primeiro cadro arousán na máxima categoría co C.E.R. L’Escala no pavillón da rúa Castelao no peche da primeira volta da Liga. E lonxe de sufrir os rigores propios dun conxunto recén ascendido, o equipo que dirixe Antonio Castro atópase en disposición de recuperar a súa praza na zona de acceso a competición europea a vindeira tempada, que xa ocupara durante varias semanas, e na que con moita probabilidade seguiría estando de ter emitido o Comité de Competición da Superdivisión o fallo co que debe dirimir o enfrontamento previsto o pasado 17 de decembro co San Sebastián de los Reyes. Un choque este que o árbitro mandou non xogar ao presentarse o equipo madrileño con tan só dous xogadores, cando a normativa esixe un mínimo de tres en convocatoria.

O choque de mañá co L’Escala preséntase do máis aberto. Non en van, o cadro catalán chega só 2 puntos por enriba do Vilagarcía Cocinas Bulthaup, e cun partido máis disputado polo resultado pendente xa mencionado. Ten, de feito, os mesmos 10 puntos có San Sebastián de los Reyes, gañando tantos encontros como perdeu, catro, e asinando dous empates.

Antonio Castro comentaba onte que o seu equipo agarda o choque co C.E.R. L’Escala coa incógnita de saber con que plantel viaxará este. Desde o Vilagarcía Cocinas Bulthaup prevén a participación do luso Pinho e do Sub-23 Joan Masip, coa dúbida principal de se será outro Sub-23 español, Carlos Vedriel, ou o sueco Alenxader Hakan Mart, o que complete o trío catalán. O belga Jean Lauric, Sergei Nigeruk e Ramón Mampel, este último ex xogador do L’Escala, formarán polo bando arousán.

Contar en positivo, reto do Cambados TM

O Cambados T.M. pechará tamén mañá na casa a primeira volta da súa Liga, a da División de Honra. No Pavillón de San Tomé, desde as dez e media da mañá, cun Leganés terceiro na clasificación. O cadro local, cun balance de 5-5, loitará por chegar ao ecuador en positivo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Vilagarcía Cocinas Bulthaup opta a pechar a primeira volta en posto europeo