Os «Asuntos pendentes» de Juan Carballo

O poeta subirase ao escenario do Salón García acompañado de Pedro Falcón, Álvaro Cardalda e outros amigos

.

Nestes tempos complexos e convulsos, un pouco de poesía pode facernos ben. E se os versos veñen tecidos con música, moito mellor. Esa é a proposta que fan o escritor Juan Carballo, o pianista Álvaro Cardalda e Pedro Falcón á guitarra, os tres pés do espectáculo que o vindeiro sábado, ás nove da noite se presenta no Salón García. Alí vai ver a luz, por vez primeira, «Asuntos pendentes», a versión para teatros e salas do libro disco que leva o mesmo título e que firman o poeta Carballo e Manolo Tarancón.

Comenta o poeta vilagarcían que os versos «non fan rico a ninguén». Non lle falta razón. A poesía nin enche petos nin paga facturas, pero permite pequenos luxos, grandes gozos. Como, por exemplo, estrear o traballo propio no pequeno teatro da vila na que naciches. «Eu son de Vilagarcía, síntome querido en Vilagarcía, e non contemplo estrear nada fóra do meu pobo», aseguraba o home das verbas. Nese pase inaugural, sobre o escenario estarán Falcón e Cardalda, que canda el percorrerán varios puntos da península resolvendo eses «Asuntos pendentes» dos que fala o título do espectáculo. Canda eles estarán outros artistas moi vinculados á escena arousá: Ysied Ysied, Miguel Eyré ou Ramón Núñez. Durante a súa viaxe por eses camiños que os levarán a Vigo, a Madrid, a Porto, e alá onde os queiran escoitar, os tres artistas buscarán a complicidade de amigos que se animen a participar con eles dun acto que pretende demostrar que a poesía non é un monótono ruído, como o da choiva nos cristais.

As entradas que permitirán ser testemuña da estrea desta proposta cultural xa están á venda en Duende e nos locais Churruca, La Bolsa e Miúdo. Os que non se decidan ata última hora poderán mercalas, o mesmo día do espectáculo na billeteira do Salón García.

A concelleira de Cultura de Vilagarcía, Sonia Outón, amosaba onte o seu orgullo por ser Vilagarcía a vila elixida para o inicio do camiño dos «Asuntos Pendentes», onde o talento vilagarcían agroma en cada verso, en cada acorde.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

Os «Asuntos pendentes» de Juan Carballo