«Twitter é un foco de censura indiscriminado»

É dos cómicos máis seguidos. E dos máis activos. Hoxe presenta no Bianco de Vilagarcía unha selección dos seus máis recentes monólogos


Leva catro anos ininterrumpidos en cartel na Gran Vía madrileña co seu monólogo El Umbral de la Estupidez. Ven de escribir unha exitosa obra teatral (5 y Acción) e unha serie para TVE. Grava delirantes sketches para o seu canal de vídeos Pantomima Full. E, de cando en vez, déixase caer pola terra para non esquecer que o galego foi o idioma no que aprendeu a contar. Como esta noite, na que no Bianco de Vilagarcía, recopilará esceas das súas máis recentes creacións a xeito de persoal antoloxía.

-Hai quen fala de certo agotamento no formato do monólogo. ¿Vostede o percibe?

-Hai certa saturación. Ninguén se retira e cada vez aparece máis xente. Pero quen non che vai dicir que non hai sobreoferta no seu gremio? Dá igual un bar que unha ferretería. Na comedia, tamén.

-Como gran observador da realidade que é, ¿que é o que máis perplexo o ten ultimamente?

-Estou dándolle moitas voltas aos tabús. Temas que parecen grandes pero que en realidade son pequenos, como o racismo, a homosexualidade, o suicidio... Agora que cada vez é máis difícil falar de certas cousas a min dame por intentar explicalas. E darlle a entender á xente que de calquera tema, ata de os máis delicados, coa perspectiva correcta pódese facer humor.

-¿Ten a sensación de que imos cara atrás en canto a certas liberdades persoais, como a de expresión?

-Totalmente. Cada vez censúrase por menos. Saltan a as alarmas e a xente non escoita. Teñen nas alertas de Google postos todos os tabús: cancro, feminismo... E cando saltan non se paran nin a escoitar a mensaxe nin hai debate posible. É agotador. A min, por exemplo, encantaríame que desaparecese Twitter que é un foco indiscriminado de ofensas e censuras e que ademais lle otorga as cousas unha dimensión trascendental que é de todo punto absurda.

-Se cadra o principal espazo de liberdade é Internet. ¿É por iso que manteñen activo a canle de vídeos de «Pantomima Full»?

-Eses vídeos naceron como unha promo de mantemento do espectáculo que tiña con Alberto Casado. Pero estamos gustando tanto que lle estanos adicando moito esforzo e o pouco tempo que temos libre. É algo que nos divirte e nese formatiño que atopamos podemos amosar o noso humor.

-Un deses vídeos está adicado aos ascensores. ¿Que lle pasa con eles?

-A min nada, vivo nun séptimo (rise). Pero chámame moito a atención e faime graza toda esa xa xente que cada día se saca unha foto no ascensor e a sube ás redes sociais. O que busco é rirme un pouco de toda esa tontería que a cotío nos rodea.

-Tamén é por rirse, neste caso de vostede mesmo, ¿esa afición por pousar espido?

-Iso empezou cunhas fotos promocionais para a web de Solo Comedia e pasou a se converter nunha tradición navideña. Bueno, faime graza trasladar unha foto que nunha muller sería normal pero que nun home, e por enriba co meu físico, vólvese grotesca. Pero fágoo sen ánimo de denuncia. Sinxelamente faime graza ese ridículo.

-Parafarseando o título do seu espectáculo, ¿onde sitúa o umbral da estupidez?

-Agora mesmo, moi a flor de pel.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«Twitter é un foco de censura indiscriminado»