Convocan en Vilagarcía unha concentración de rexeitamento da lei de ensino


vilagarcía / la voz

A plataforma galega en defensa do ensino público vén de convocar unha mobilización que se desenvolverá mañá, a partir das doce do mediodía, na praza de Galicia de Vilagarcía. O obxectivo da concentración, que coincide coa xornada de folga convocada nos centros educativos, é amosar o rexeitamento da sociedade arousá da Lomce, a controvertida reforma educativa posta en marcha polo Goberno de Mariano Rajoy baixo o mandato do exministro popular Ignacio Wert.

Esta mobilización, lembra a plataforma, forma parte dun calendario moito máis amplo, que se está a desenvolver dende o inicio deste curso. Entre outros actos, o colectivo fixo unha entrega simbólica de cabazas na Consellería de Cultura, Educación e Ordenación Universitaria e unha concentración de profesorado e alumnado dos institutos de Ensino Secundario, que se levou a cabo en horario de recreo o xoves pasado. «Esta concentración -subliña a plataforma polo ensino público- está dirixida a toda a comunidade escolar, tanto familias como alumnos e profesores, e á cidadanía en xeral».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Convocan en Vilagarcía unha concentración de rexeitamento da lei de ensino