Tono Campos, Diego Romero e Ramón Ferro reciben o Laurel Olímpico do COE

La Voz VILAGARCÍA / LA VOZ

RIBADUMIA

<span lang= gl >Tono Campos e Diego Romero, xuntos á esquerda, e Ramón Ferro co seu excompañeiro de C2 mundialista, o pontevedrés Ramón Graña, con cadanseu Laurel Olímpico do COE.</span>
Tono Campos e Diego Romero, xuntos á esquerda, e Ramón Ferro co seu excompañeiro de C2 mundialista, o pontevedrés Ramón Graña, con cadanseu Laurel Olímpico do COE.

Os canoístas arousáns viron recoñecidas as súas brillantes traxectorias de campións mundiais

17 feb 2026 . Actualizado a las 05:00 h.

Non houbo o pasado sábado padexeiros arousáns nas listas de recoñecementos aos mellores deportistas das tempadas 2024 e 2025 repartidos na gran gala da Real Federación Española de Piragüismo. O acto, que reuniu no Palacio de Congresos de Gijón a elite do deporte da pa, deixou, con todo, cadanseu momento de gloria para os tres maiores canoítas de maratón na historia de Arousa. Tono Campos e Diego Romero, compañeiros de C2 no Bregoán do Grove, e o arousán Ramón Ferro, hoxe padexeiro da categoría veterán do club Náutico O Muíño de Ribadumia, recibiron no marco da gala nacional o Laurel Olímpico, distinción coa que o Comité Olímpico España recoñece as traxectorias excepcionais de deportistas quen de conquistar a lo menos tres títulos de campión do mundo.