Somos acusa ao alcalde de tratar de silenciar esta campaña
24 ene 2023 . Actualizado a las 15:23 h.A campaña de recollida de sinaturas para a apoiar a iniciativa lexislativa popular (ILP) que propón medidas urxentes de reforzo da atención primaria obtivo e Ribadumia máis de 500 sinaturas, «unha cifra moi importante, que da proba da preocupación que hai na cidadanía ante o degradamento progresivo da atención primaria», segundo informa Somos Ribadumia.
A formación que lidera Enrique Oubiña agradece o apoio da poboación e anima a participar na manifestación convocada para 12 de febreiro en Santiago para reclamar melloras na sanidade pública.
Non deixa pasar Somos a ocasión de criticar ao alcalde, David Castro. «A realidade é que o goberno local tivo moito coidado de poñerse de perfil nesta loita, de feito non fixo ningún esforzo por apoiar esta campaña de recollida de sinaturas a favor da ILP en defensa da atención primaria. Tal é así, que a pesar de que había follas de recollidas de sinaturas na casa consistorial e nas dependencias de servizos sociais, David Castro silenciou a campaña, e non fixo ningún tipo de comunicación animando a participar, nin sequera un aviso a través das redes sociais de que as follas estaban a disposición da veciñanza».