Xubileo polos 75 anos de pastoral de Dositeo Valiñas

Nas parroquias de Ribadumia e de Leiro celebrarase o vindeiro 7 de marzo un xubileo a Santiago de Compostela na honra do párroco


Dentro dos actos conmemorativos dos 75 anos de pastoral de Dositeo Valiñas organizados nas parroquias de Ribadumia e de Leiro celebrarase o vindeiro 7 de marzo un xubileo a Santiago de Compostela na honra do párroco. Todos os que o desexen poden acompañar a don Dositeo para facer unha visita á catedral e despois asistir a celebración relixiosa na igrexa de San Martín Pinario, na que se ordenou sacerdote 3 de xuño de 1944.

O día 7 sairá un autobús da igrexa de Ribadumia ás 9.30 e os interesados en participar nesta actividade deberán inscribirse antes do 4 de marzo nas oficinas municipais ou chamando aos teléfonos 986 7184 91/99. O prezo é de 5 euros.

«Con este acto péchase a celebración dun feito histórico, unha data para gardar no recordo, posto que se celebra toda unha vida de dedicación a un pobo», segundo subliñan desde o Concello. Lembra a institución que don Dositeo desenvolveu unha labor constante e fecunda levando a cabo accións como a creación dunha escola de baile tradicional ou unha cooperativa agrícola, foi fundador do CD Ribadumia e impulsor da Festa dos Maiores e a Romaría de Santa Baia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Xubileo polos 75 anos de pastoral de Dositeo Valiñas