Seis camiños que alimentan a paixón pola lectura

La Voz

RIBADUMIA

21 sep 2019 . Actualizado a las 21:00 h.

Dentro da campaña Ler Conta Moito, o Concello de Ribadumia acollerá durante as vindeiras semanas ata seis espectáculos que teñen coma fin enganchar aos nenos pequenos á lectura. Mañá mesmo, as cinco da tarde, na Casa de Cultura haberá un espectáculo de «Maxia Diferente», desta volta da man do mago Paco. O luns 30 toca teatro, o do grupo Calavera, que porá en escea «A cabaza encantada». A seguinte cita será o 7 de outubro, coa historia de «A detective Peregrina e o insólito caso de Antón Fraguas». O día 14 tocaralle a Mere Clown contar «A verdadeira historia de Hamelín». O mago Paco voltará o 21 de outubro, desta volta con «Maxia divertida 2.0». E o ciclo rematará o xoves 24, con Gloria Mosquera-Mamá Cabra e os seus «Contos para un mundo mellor».