A primeira xornada do Nacional de Esprint deparou cinco títulos arousáns, ademais do bronce do padexeiro do Náutico Pontecesures José Antonio Fraga no C-1 500 Júnior tras o bicampión do Náutico O Muíño
14 jul 2018 . Actualizado a las 05:00 h.A primeira das tres xornadas do Campionato de España de Esprint Sénior, Sub-23 e Júnior pechou onte no encoro pontevedrés de Verducido con cinco títulos e con catro campións arousáns. Co canoísta júnior do Náutico O Muíño Manuel Fontán asinando dobrete na súa categoría no C-1 1.000, na xornada matutina, e no C-1 500 pola tarde, con 1,5 e con 2 segundos de vantaxe, respectivamente; no medio quilómetro, co padexeiro do Náutico Pontecesures José Antonio Fraga bronce.
Diego Romero, do Breogán do Grove, foi ouro no C-1 1.000 Sénior co seu compañeiro de club Noel Domínguez prata a máis de 3 segundos. Cunha superioridade inda maior gañaron os seus títulos nacionais júniores María Pérez, do Muíño, no C-1 500, con 4,5 segundos sobre a segunda, e Carla Frieiro (As Torres-Romaría Vikinga), con 4,2.