Súmanse ás xa anunciadas a finais da semana pasada de Fran Fandiño, Miguel Vázquez, Bugallo e Gabi
05 jun 2018 . Actualizado a las 05:00 h.A directiva e mais o corpo técnico do C.D. Ribadumia están a tomar a dianteira nun mercado da Terceira División ata o de agora bastante parado. Onte, co anuncio das renovacións do central Javi Domingo, do mediocentro Cheri e mais do mediapunta Teti.
O primeiro chegara no mercado de inverno incorporado do Club Juventud Cambados da Primeira Galicia. O mesmo equipo de procedencia ca Cheri, só que no caso do mediocentro fichado o pasado verán, coma Teni do Caldas, para o primeiro proxecto de Luis Carro á fronte do banquiño da Senra.
As renovacións de Javi Domingo, de Cheri e de Teti súmanse ás xa anunciadas a finais da semana pasada dos catro capitáns do último plantel aurinegro. Isto é, de Fran Fandiño, de Miguel Vázquez, de Bugallo e de Gabi. Os catro, consolidados no once titular de Luis Carro, con Miguel Vázquez e con Bugallo facendo parella no centro da zaga, Gabi exercendo o papel de mediocentro de creación, e Fran Fandiño ocupando a banda esquerda. O desexo do Ribadumia é deixar practicamente pechados os capítulos de renovacións e de baixas esta semana.