Pontecesures abre a inscrición na súa Popular de Nadal

A cita será o 29 de decembro


vilagarcía / la voz

A Concellería de Deportes de Pontecesures informou onte da apertura do prazo de inscrición na decimonovena edición da Carreira Popular de Pontecesures. Unha proba fixada para o sábado 29 de decembro, a partir das 16.15 horas, cun percorrido de 9.000 metros para a categoría absoluta con saída e con chegada á Praza do Coche de Pedra.

A inscrición deberá realizarse a través das páxinas web www.carreirasgalegas.com ou www.atletismo.gal, co prazo pechándose ás 23 horas e 59 minutos do xoves 27 de decembro, isto é, dous días antes da carreira.

Desde a organización, a cargo do Concello cesureño, infórmase da entrega de trofeos aos tres primeiros clasificados e clasificadas da categoría absoluta e ao corredor máis veterán que conclúa a carreira, ademais de medallas aos tres mellores no resto das categorías, agás a biberón, na que non haberá clasificación. Ademais, os 400 atletas que completen antes a proba absoluta recibirán unha camiseta, ao igual que todos os competidores de categorías escolares.

Premios para os clubs

Como novidade, subliñan desde o Concello, este ano haberá premios para os clubs na proba absoluta, de 300 euros para o primeiro clasificado, de 200 para o segundo, e de 100 para o terceiro. A clasificación estableceráse sumando os postos dos oito primeiros atletas en meta de cada equipo, que deberá contar con a lo menos oito participantes na proba.

Para máis información sobre a XIX Carreira Popular de Pontecesures, chamar ao consistorio cesureño aos números 986 564 410 ou 986 564 403.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Pontecesures abre a inscrición na súa Popular de Nadal