Sairá do centro médico de Paradela ás 17.30 horas, pasando polo centro médico de San Martiño e remate no da Rochela, onde farase unha concentración
20 mar 2021 . Actualizado a las 17:38 h.O BNG prosegue coas mobilizacións na comarca para reivindicar melloras no sistema público de saúde. Se o pasado domingo saía á rúa en Meaño, este sábado farano en Meis «para reclamar unha sanidade pública e de calidade no noso concello», indican desde o grupo municipal. Os nacionalistas invitan á veciñanza a participar na caravana de coches que percorrerá o municipio este sábado, con saída do centro médico de Paradela ás 17.30 horas, pasando polo centro médico de San Martiño e remate no da Rochela, onde farase unha concentración á que se anuncia a participación da deputada e responsable da área de Sanidade no Parlamento Galego, Montse Prado.
«A situación a día de hoxe segue a ser a mesma, co consultorio de Paradela pechado e o consultorio do Mosteiro baixo mínimos. A falta de médicos, as listas de espera para unha cita presencial ou mesmo para ser atendidos telefonicamente provoca que as veciñas e veciños de Meis estean desamparados ante un servizo tan básico como é a sanidade». Desde o BNG de Meis lembran, ademais, Meis leva meses sen servizo de pediatría desde hai meses —as familias teñen que desprazarse a Cambados ou Portonovo— e perdeu, tamén, a matrona.
Esta mobilización súmase a outras convocadas polo Concello nos últimos meses polo mesmo motivo.