«Cantas máis perruquerías pechen, máis economía somerxida vai haber»

Rosa Estévez
rosa estévez VILAGARCÍA / LA VOZ

MEIS

MONICA IRAGO

Entrevista con Marta Martínez, vicepresidenta da Asociación Provincial de Peluquería y Belleza, na antesala dunha protesta para reclamar a baixada do IVE

02 ene 2021 . Actualizado a las 20:13 h.

O xoves, Marta debería ter traballado ata última hora. Debería ter chegado polos pelos para sentarse á mesa, gozar da cea e, ás doce da noite, tomar as uvas. Pero neste fin de ano confinado que acabamos de pasar, a preocupación polo peiteado foi moito menor do que é habitual. «Pechei ás seis da tarde, e teño compañeiras que pecharon xa á unha», conta a que é a vicepresidenta da Asociación Provincial de Peluquería y Belleza de Pontevedra.

-No meu caso, aínda esperaba que a cousa fora peor. Pero os anos de estar ata última hora... Iso pasou á historia. Esperemos que pouco a pouco vaiamos volvendo a unha certa normalidade.

-A pandemia está a resultar unha proba moi dura para o seu sector, non?

-Está sendo moi difícil. Cando foi o peche, moitos pedimos o cese de actividade; non se podía atender a ninguén. Pero xa daquela houbo quen si o fixo. Despois, en maio, houbo xa moitas compañeiras que non puideron volver abrir os seus negocios. E en moitos casos, levadas polas circunstancias, empezan a traballar por detrás... Nesta zona xa sempre houbo un montón de perruquerías ilegais, e a cousa non para de medrar. Se a xente non gaña ben, recorre a quen lle fai o traballo máis barato, sen pensar nas consecuencias. Porque moita desa xente que traballa ilegalmente non o fai por necesidade, senón como extra. E contra esa situación parece que nós non podemos facer nada.