O PP confirma a expulsión do partido do alcalde de Meaño

O partido entende que Viéitez cometeu dúas infraccións moi graves, «por manifesta deslealdade cara o partido e por desobediencia ás instrucións dos órganos de goberno»


Meaño

O Comité de Dereitos e Garantías do Partido Popular nacional resolveu desestimar as alegacións que presentou o alcalde de Meaño, Carlos Viéitez, e confirma así a súa expulsión do PP por considerar que é autor de dúas infraccións moi graves, «por manifesta deslealdade cara o partido e por desobediencia ás instrucións dos órganos de goberno do partido».

 A resolución do comité engade que as instrucións e directrices dos órganos de dirección do PP de Pontevedra eran claras «e queda acreditado que incumpre unha directriz -presentar unha candidatura a vocal da mancomunidade por parte do PP de Meaño- encamiñada a preservar unha política provincial coordinada que vela polos intereses xerais».

O presidente do partido en Pontevedra, Alfonso Rueda, sinala que «o PP conta cuns estatutos claros e comúns para todos os seus cargos e militantes, e un principio básico do PP é non votar contra os teus propios compañeiros nos órganos de goberno. E cando se incumpren estes principios, pasan estas cousas. Non se pode diferenciar entre militantes de primeira e de segunda». 

 Con todo, engade, «o PP sigue moi presente en Meaño, cunha xestora que está traballando desde hai un ano xa», e puxo en valor «o importante resultado que os populares conseguiron neste concello nas eleccións autonómicas».

Pola súa banda, o alcalde meañés limitouse esta tarde a dicir respecto desta decisión: «Seguirei traballando para defender os intereses dos veciños de Meaño, independentemente da súa ideoloxía».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

O PP confirma a expulsión do partido do alcalde de Meaño