O Asmubal morre na beira tras unha frouxa primeira parte en Camargo

O exceso de relaxación das pupilas de Víctor Garrido pasoulles factura, co seu anfitrión exprimindo o xogo de contragolpe ante o mal balance ataque-defensa visitante


vilagarcía / la voz

Os partidos de balonmán duran 60 minutos. Unha hora que pode dar para moito. Ata para pensar en darlle a volta á tortilla, e saír vitorioso dun duelo con moi mala pinta a metade de camiño. O Asmubal Meaño entregouse á causa na segunda metade da súa visita dominical ao Camargo 74 Propenor, e a piques estivo de sacar algo positivo; mais acabou perdendo 32-30 no seu encontro da xornada 22 da División de Honra Prata Feminina.

O exceso de relaxación das pupilas de Víctor Garrido pasoulles factura, co seu anfitrión exprimindo o xogo de contragolpe ante o mal balance ataque-defensa visitante. Ao descanso, 16-13.

A cousa foi a peor antes de mellorar. Cunha máxima desvantaxe meañesa de cinco tantos. Pero o crecemento ofensivo do Asmubal permitíulle poñerse por diante a falta de cinco minutos para a conclusión, 26-27.

Feito o máis difícil, dúas exclusións caeron coma unha bomba no xogo do cadro galego. Máis a segunda de Andrea, saldada cun 2-0 en contra de parcial, que a primeira de Laura. Con todo, un gol de Raquel a falta de 26 segundos fixo pensar na posibilidade de sacar un punto de Camargo. Gema Martín, con só 5 segundos por consumir, matou as ansias do Asmubal tras quince segundos de defensa individual a toda cancha tentando recuperar o balón.

Afortunadamente para o Asmubal, o B.M. Palencia Turismo tamén saldou con derrota o seu último compromiso ligueiro, 28-25 co que será o vindeiro rival meañés, o Gijón. O Asmubal continúa así antepenúltimo con 10 puntos, polos 9 do Palencia, penúltimo en zona de descenso.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Asmubal morre na beira tras unha frouxa primeira parte en Camargo